Texte "AUGRICHT IS'" (2018)

DA OPENER:

Laung hots dauert wenn die Watschn ned
Imma so laung schauat
Trog ka Trauer ois is neich und trotzdem
Frissts da Bauer

Des Liad is nua für di
Weilsd dabei bist waun I spü
Heite gehts ned nur um mi
Ohne di hätt I ka Züh

Bist treu zu jeda Stund
Sogst niemois Tschüss mit ü
Meine Texte aus deim' Mund
Geben mir des geilste Gfüh

Vo Rock bis Metal
Do is ois dabei do druckst aufs
Gas wie da Vettel
Da Vorhaung foit
Des Liacht geht au fia des Gfüh bist ned z'oid



STEIG EI ZU MIR:

Ka Auhnung wo ka Auhnung waun
Ob I di endlich finden kaun
I moch mi groß und ziemlich kla
Und streck mi aus unendlich laung

Du bist ned do I drah scho durch
Oba des ändert des jo kaum
Weil I muas do und I muas dort
Imma wieda um di schaun

Steig ei zu mir geh foah mit mir
Vo Bregenz bis Eisenstodt
Ka Aungst ka Wut ka Zweifel mehr
Des Hastn wiad zum Trott
Verloren in da Umklaummerung
Bist blind auf beide Augen
Drum bleib I bis zur Dämmerung
Und plog mi daun unendlich long

Jede Wochen jeden Tog
Zumindest jedsmoi genau daun
I wü weg bin scho dahi
Plötzlich reissts mi I kum drauf

Du bist ned do ois feit mi au
Oba des ändert des jo kaum
Weil I muas do und I muas dort
Imma wieda um di schaun



I GEH NED ZFUASS:

I muas zum Auto oba schnö
Hob kane Tschick des is die Höh'
Da Automat is ned weit weg
Und hot an Parkplotz glei ums Eck

Ich schmeiss die Karre an
Ganz einfach weil ichs kann (super)
Der Käptn meldet
Junger Mau schnoin die au

I geh ned z'Fuaß waun I ned muas
I bleib mim Auto voi auf Kurs
Für wos hob I denn den Führerschein gmocht
Mei Motor quoimt bei Tog und Nocht jo

Noch kurzer Fohrt bin I scho do
I druck ma oba meine Marlboro
I drah mi um do siach is' kloar
Bei mir brennt Liacht I glaub I foahr

Gemma's au
Eh kloar



ZÖTFEST:

Den gaunzn Winter homma gwoat oba endlich is soweit
Es gfreit si scho da gaunze Ort es is wieda Zötfest-Zeit
A Jeda ziagt si zünftig au und da Eder is bereit
Heit mocht a sicha wieda blau weil da Urlaub is nu weit

Ah so a Festl is a Traum do trifft si ois mit Raung und Naum
Ana taunzt der aundra speibt
Es gwinnt wer länga huckn bleibt

Da Somma is a Waunsinn andauernd a Zötfest
A Kaiser vom Fassl Oida des zöt fest
A poa Makal muast kaufen zum Fressen und Saufen
Waunsd aufs Klo wüst muast zoin fia de Klopapierroin

Und wieda muast die austöhn fia a poa Wiastln
Ois Wegzerrung braucht ma a zwa Bier zum Biastln
Auf da Bühne a Voiksband de jedes Liad kennt
Und noch einige Korn beginnans wieda vo vorn

Bierbankal fliang und Tische foin jo a Bombenstimmung heid
Ma heat wie Glasal laut zaumknoin ma besorgt sis' richtig gscheid
Die Band de hazt de Stimmung au und olle mochens mit
Beim Woiza und beim Vogaltonz grodt kana aussa Tritt

Und zur spädan Stund frog I noch am Sinn
Häng üwa meim Glasal frog mi wer I bin
Schau do untam Bankal do liegt jo ana drin
Kum den ziang ma aussa und setz ma wieda hin
Der schaut nimma recht guad aus de Forb is längst dahin
I glaub der braucht a Kriagal daun griang man wieda hi jo



DEJA VU:

I bin ned wos du von mir glaubst
I wü ned dass du mir vertraust
I dua gern wos I gerne dua
I bestimm ob do is gnuag

I kau ned wos I kinna soi
I füh' mi im Vasogn woi
Hob ma ned ausgsuacht na I ned
Dass si wir treffen bin I bled

Und so geht des hoit dahi
Unaufhoitsam bis ans Züh
Und hin und wieda frog I mi
Sitz I in am Ringlspüh
Und wer glaubstn dass I bin
Host die Hoffnung I wa stüh
Doch I was wos üba di
Du bist a anzigs Deja Vu

I sog ned I kau nix vasteh
I was dass I monchmoi schlecht seh
Oba schlecht hean dua I gonz guad
Du manst wos I sog des is obsurd

An Schritt viri und zwa zruck
I was do steigt in dir da Druck
Wer is jetzt der der nu vasteht
Dass es imma um uns geht



GEH NU NED:

Die letzten Liachta flackern die Gänge san verstummt
Es is fost wie im Wötoi wo da schenste Ton ned summt
Bist wie die Obendsonn die I nimma long sehn ko
Bist wie mei Gitarr der I jeden Tog vatrau

Wir woitn doch imma gemeinsam sterbn
Und jetzt soi ma ned moi zusommen oid werdn
I was ned obsd heast wos si rund um di duat
Darum bleib do und nimm ned dein Huat

Geh nu ned
Des warad jetzt nu vüz' boid
De Nächte wern longsom koit
A schwoaza Tunnel liegt vor mir
An Otemzug entfernt von dir

Es nützt a riesn Trottl und da greßte Denker nix
Dem Schicksoi fest ergebn föt jedermau die Sicht
Auf de wesentlichen Dinge die di heid Nocht ummi trogn
Bevor mim letzten Schlog olle Dienste dir vasogn



REIN RAUS:

Jo I mochs gern im Sitzn und maunchmoi a im Steh
Im Liegen wirds zum Schwitzen des ko ins Auge geh
I brauchs scho früh am Morgen bis Mittog ollemoi
Am Obend mochts ma Sorgen
Hob I ka anzigs moi

Waun I das sog I brauchs mehrmois am Tog
Des is ka Frog wei I's mog

In manchem fernen Launde wirds aundas praktiziert
Des ko a glei so weit geh dass da Schädl explodiert
In Gusta hoist da auswärts oba gessen wird daham
Und Leidln des is ka Scherz I brauch dazua mein Dam'

Waun I das sog I brauchs mehrmois am Tog
Des is ka Frog wei I's mog
A guada Tipp von mir probiers moi in da Seitenlog
Des is ka Frog wei I's mog

Egal in wöcham Laund ob alla ob Haund in Haund
Wird imma guad trainiert und des gaunz ungeniert
Hau das eini los ois aussa
Es ghert afoch zum Leben
Hau ois eini loss daun aussa
Es ko nix aundas geben



I WERD BOID ZUM STERN:

I kau jo nix I bin jo nix
Doch jeda wü mi hean
I setz mi in dia fest
Und bring die Ohrwürmer zum rean
I loss di nimma los nana du glaubst du host mi gern
Doch waun I mit dir fertig bin wirds otemlos zum Sterbn
I ko jo nix I bin jo nix
Hm vielleicht muas I a Hit werden (ulalala)
Yeah Soundwatschn in da Heisl

Wir singan olle mitanond
Im Partyzöt und a am Straund
Mid Lotten ohne Bluat im Hirn
Konn I mi richtig einigspian
Do kinnts es duach di Hittn blean
I werd boid zum Stern

Wos braucht ma zum Superstar
Des is afoch erklärt
A Bassline an Beat und an Fotzhobi
Daun host an Hit und wirst a Star in fuckin' Austria
Spüst jeden Tog in ana Bar und bringst dei Ulala
A Textzeiln zum Mitschrein kumts Leidln I wü eich hean
Yeah Soundwatschn in da Heisl
Yeah Soundwatschn nu imma in da Heisl



ZOMBIEMARATHON:

A jeda huckt vorm Kastl kana denkt mehr noch
Daneben wird nur bastelt da Anspruch is ned hoch
Bist a söbst valiebta Wastl oder tiaf drin in am Loch
Spüst imma an deim Astl a Sta im seichten Boch

A Büd vo dir im Telefon
Des is da Zombiemarathon

Warum denn jetzt warum sofort
I ergib mi meinem Sport
Wos hast do ziemlich monoton
Des is da Zombiemarathon
Zu jeder Zeit am söben Ort
Bin I ned do daun bin I dort
A Büd vo mir im Telefon
Des is da Zombiemarathon

Togeslicht vorm Fenster doch zvü soitads ned sei
Schau genau du kennst nan der lodt ned gern wen ei
Fühlt si ned richtig au verändern dammas ned
Mochst imma öfta blau nur Händ noch vor des geht