Texte "DIE LETZTE CHANCE" (2013)

DIE WATSCHN LINKS, DIE WATSCHN RECHTS:

Kumt Österreich's Rockband Nr. 1 ind Stodt
Beisst si jeder in Oarsch der kane Kortn hod
Wir hupfen eini in di Lederne
Jo hoffentlich bleibts Wetter sche

Bei di meisten Events gibt's ned amoi nu Bier
Bei di Watschn is vorgschriebn du brauchst mindestens vier
Weil do peidln ma di Birn
Bis uns aussa fliagt des Hirn

Mim Regler auf da Zehn und massenweise Gain
Do brauchst kan mehr zum Redn waun wir di niederlegn
Die Watschn links
Die Watschn rechts
Wir spün auf jeder gschissnen Party
Und wieder links und wieder rechts
Bis d'obghoit wirst vom Papi

Bei am Soundwatschn Gig do wird uns gaunz schnö kloar
Noch 1 1/2 Stund 'sama mit Sicherheit goar
Do ziagts uns unsre Potschn aus
Wir schädeln rockn gebn Applaus
Di 4 Soundwatschnbuam lodn uns Backstage ei
Bei da Aftershow Party is afoch jeder dabei
Wir feiern bis di Sun aufgeht
Bis di Kiwarei daun do steht



S'GFÜH:

Kennst du ned a des guade Gfüh
Rundherum do is ois stü
Du gspiast in Wind auf deina Haut
Bewegt di Bam doch nix is laut
Waun da Növi laungsaum weicht
Merkst dass um di olles leicht
Schriat um Schriat kumst du vom Fleg
Egal wohi du gehst dein Weg

Imma rundum im Kreis herum
Des Karussel draht schnö

Waun Regen foit und Donner hoit
Es bleibt bestimmt ned dauernd koid
Auf Dunkelheit foigt Helligkeit
Auf amoi siachst unendlich weit

Es geht Berg o es geht Berg auf
A klana Sta stoppt ned dein Lauf
Vagisst Gedaunkn die di quön
Die maunchesmoi dei Leben befön
Is wia a Woikn auf dersd schwebst
Wia a Rausch densd grod erlebst
Es gibt ka Guad es gibt ka Schlecht
Heid is afoch olles recht

Zerbrechlich wie Glos
Doch härta wie a Fös
Die Ochterbauhn des Lebens
Mocht die groß



WOS DA BAUA NED KENNT:

Da Herr Eder sitzt seit Stundn und schaut in sein Katalog
A Reise noch Bibione eigentlich stehts ausser Frog
Wie oft hot er scho in Thailand a poar Ongebote checkt
Oba wieda kumt a drauf dass nur im Süden s'Schnitzl schmeckt
Oiso pockt a seine Koffer und fohrt gen Italien
Wei vo Sonne Straund und Meer do wor a imma scho a Fan

Mit Nudeln Pizza Austern und dem gaunzn Frutti Schas
Hot da Eder nix am Huat für erm is des ois a Kas
Weil ers Fuada auf da Kortn scho seit Johrn ned vasteht
Bestöht er imma nur sei Schnitzl weil er is jo ned bled na na
Wos da Baua ned kennt des frisst a ned
Na na des frisst a ned
Er wü wos erm zuasteht

Da Herr Eder hod früh morgens scho a Liege reserviert
Mit am Haundtuach und am Biachl dass na späda kana irrt
Weil da Eder mocht kan Ausflug und er braucht a ka Kultur
Er liegt vü liaba aufm Soundstraund des is eh scho Action pur
Doch scho z'Mittog gspiat da Eder wie da Mogn rebelliert
Mit letzter Kroft zruck ins Hotel denn ohne Essen wird er miad
Zum Glück hod er jo All Inclusive und scho sitzt a bei seim Tisch
Er nimmt di Kortn und daun sogt er "Hoffentlich is s'Schnitzl frisch"

Am Ende seiner Reise
Ziagt da Eder Resümee
Jo auf diese Art und Weise
Wird a jeder Urlaub sche
Laund und Leute san a Wahnsinn
Er kumt sicha wida her
Und da Zweck liegt bei erm darin
Wie daham fühn do am Meer



S'GSCHICHTL:

I was jo ned wies dir geht waun du an domois denkst
Bei mir kuman do Büda I hoff dass du de kennst
I denk ans oide Kino Stodlgossn Ochdazwanzg
Kurz vorm Obriss völlig hin scho bei dessen Anblick du jez wanst

Oda zum Beispü in di Kirchn geh I jez nur wengam Wein
Früha wors dort nur zum firchtn ois Ministrant in da erstn Reih
I glaub du wasd jez wo I hi wü
Um wos dass' bei dem Liadl geht
A jeder hot sei Gschichtl wos olle Zeiten übersteht

Findst du ned a dass früher leicht wor
Mitn Auto durch die Stodt
Doch egal wo I jez hinfohr
Geht's nur im Rettungsgassentrott
Die gaunzn Leid in meiner Stroßn san olle Mister Unbekannt
Und auf d'Nocht steht ganz verlossn nur a einsamer Musikant

Wie kauns nur untertogs so zuageh
Kaum wirds finsta is scho stü
Do stöht si mir gaunz klor de Frog
Wo kuman oi di Menschen hi

Es is ma blunzn obst ma zuastimmst
Obs dir am Oarsch vorbeigeht
A jeder hod sei Gschichtl wos olle Zeitn übersteht
Oda vielleicht siachst du des a so
Schau wie schnö di Zeit vageht
A jeder hod sei Gschichtl wos olle Zeitn übersteht

Wos hod si ois verändert auf meim laungen Weg bis heid
Du host des vü zu boid geändert glaubst du wirklich des wor gscheid
Di Büda in meim Kopf trog I mit mir gaunz alla
Du worst da Deckel zu meim Topf worn unzertrennlich wir Zwa

Doch a do güt so wie imma dass ned ois so bleibt wies is
Moi wird's bessa moi wird's schlimma
Unterm Strich is meistens mies
Aus di Augn ausm Sinn getrennte Wege di ma geht
Und du host a dei Gschichtl wos olle Zeitn übersteht



SCHITOG:

Da Karli da Fritz und da Walter und I
San klasse Burschen und wir fohrn gern Ski
Wia miassn ganz schnell weg weil daham is ois a Dreck
Weil daham do gibt's kan Schnee und kan Berg ums Eck
Des Gepäck des bleibt daham wir san dahi
Da Einkehrschwung der funzt a ohne Ski
Schnurstrax eini in die Hittn weil do hod ma glei an Pickn
Weil do oben auf'n Güpfi herrschen ondare Sittn

Da Karli da Fritz und da Walter fohrn Ski
De fuchtzen Jagatee de gönn ma nur I
Des Madl gegenüber schaut mi dauernd au
Wie a geiler Italiener sog I zu ihr "Ciao"
He do hoi I glei zwa Zwirbn für de Resl und für mi
Mit am Dampferl in da Birn huck I mi zu ihr hi
Nur leider kumm I drauf an dera is scho wer drau
Da Anton aus Tirol der beid ma ane au

Mit Bier Tequila Ziam und Jagatee
Sauf I ma auf da Oim die Weiba sche
Ka Straund ka Meer ka Sun und a ka See
Mocht mi glücklich wie a Hos im Schnee
Ka Straund ka Meer ka Sun und a ka See
haut mi so in d'Heh

Wia I de Augal wieder aufmoch und schön laungsam wieder aufwoch
Is zwar rundherum olles weiss oba trotzdem is mir heiss
Von Kopf bis Fuas Bandagen mei wor des a fette Watschn
Mit de vagipsten Latschn do wird's jo eh nix mehr mim Hatschn
De Tür geht auf de Schwesta bringt Tabletten dann bin I guad drauf
Egal ob I auf Tabs bin oder auf da Hittn sauf
De Madln san a wahnsinn heit hob I an guadn Lauf



NOCHBARSCHOFT:

Sonntog Fruah do brauch I mei Ruah
Da Füzbua in da Goschn I bin vom Vortog nu so zua
A jeda Mensch bleibt in seiner Hapfn liegn
Nur mei Nochbor ned der hod vü mehr im Sinn

Der Trottl faungt jedes moi zum Werkn au
Er hämmert bohrt und wirft den Rosenmäher au
Und wie waun des olles nu ned gnuag wa
Zwa lästige Gschroppn hod a nämlich a

Und de rennan umanaunda
Haun mei Gortnzwergal um
Und se klopfn an mei Fenster Booooom
Und da Nochbar hod inzwischen mit da Hilti Lecha bohrt
Kann das sein ich glaub der hackelt im Akkord

Auf guade Nochbarschoft
Tia an Tia mit dir a Leben laung
Uh die Nochbarschoft
Und dabei kenn I di kaum
Auf guade Nochbarschoft
Kum dringa ma a Glasal zaum
Neben dir wohna is a Traum

So kaun des nimma weida geh
Beim Nochbarschoftskriag do hört si auf da Schmäh
Scho nexte Wochn um die selbe Zeit
Do gibt's wos zum lochn do bin I bereit

Daun ruaf I au meine Spetzln und wir mochen si wos aus
Und daun spü ma mit meim Nochbor Kotz und Maus
Grüssi Gott lieber Nochbar wos du kannst kau I scho laung
Und für des wos I heid vorhob an schen Daung

Und kurz bevor die Morgensun aufgeht
In seim Gortn scho di Bühne steht
Mit unserm Werkzeig kaunst ned nur bohrn
Do fliang da glei die Wänd um d'Ohrn
Und deine Zwergal kinnan klopfen wos woin
Waun deine Fenster ausm Rauhmen foin



JÄGAMEISTER:

Schau her do drübn aun da Waund do hängt mei Gwehr
Und danebn jo des is a Bär
I was des intressiert di sehr
Kum her sunst is des Platzerl neben mir gaunz leer
Mei Herzal wird dabei gaunz schwer
I erzöh da nu a bissl mehr

Horch zua wos I da jez sog
Vielleicht host Du jo nu zum Obschluss die ane oda ondare Frog

In di 60er hod da erste Hos di Mauer dekoriert
Und in di 70er hob I drauf gschaut dass di Saumlung greßa wird
Warum glaubst sogn si an der Waund da Hos und Igel "Guade Nocht"
De hob I wie ma sogt zur Strecken brocht

Und in di 80er hod da Jagabund die Gweihe do prämiert
Weil im Schiassn vo am Hirschn hob I domois scho brilliert
In di 90er haums mi gwöht zu ernam Ehrenpräsident
Wei zum Jägameister do brauchst Talent

Oba leider muas I sogn dass ma a ned jinga wird
Waunst in 60er überschreitest wern di Knochen longsom miad
Darum hob I s'Jagern aufghert und des Gwehr hängt an da Waund
Des brauch I nur mehr am Johrmorkt am Schiassstaund

Schau her do drüben an da Waund do hängt mei Gwehr
Und daneben sitzt dei Teddybär
Der is für di I hoff des gfreit di sehr